Torte e kripur me kungulleshka

Kjo torte kaq e shijishme dhe e thjeshte ne pregatitje, i pershtatet fare mire festave me shume njerez duke e prere ne kubik te vegjel apo nje dreke/darke te zakonshme ne familje. Gjithashtu perberesit mund t’i hiqni apo t’i shtoni sipas preferences suaj. Nje gje eshte e sigurt: shija do te jete e perkryer!

Perberesit per nje torte mesatare

• 1 pete sfoljate ose brise
• 4-5 kungulleshka (ne feta te rrumbullakta)
• 1/2 qepe (te prere holle)
• 3 veze
• 2 karrota (ne kubik te vegjel)
• 1 pako filadelfia ose 100gr rikota (gjize pa kripe)
• 100gr proshute (ne kubik te vegjel)
• 125 ml pana kuzhine (fakultative)
• kripe
• piper
• vaj ulliri

Si fillim, presim qepen shume holle (ose perdorim mikserin) dhe e kaurdisim ne pak vaj ulliri. Shtojme karrotat e prera ne kubik dhe pas 2-3 minutash shtojme proshuten ne kubik dhe fetat e kungulleshkave. I leme te gjithe perberesit te gatuhen sebashku per disa minuta, por duke mbajtur gjithmone parasysh qe kungulleshkat dhe karrotat te jene pak krokant (gjysme te gatuar). Ne kete moment i rregullojme me kripe dhe piper. Heqim menjane disa feta kungulleshkash te cilat do t’i perdorim per zbukurim.

Ne nje ene te thelle rrahim vezet, shtojme filadelfian ose rikoten, panen e kuzhines dhe perberesit qe kemi gatur me lart duke i perziere mire te gjitha bashke.

Ne nje tave te shtruar me leter furre, vendosim peten sfoljate (ose brisè) duke e cpuar pak ne fund me ndihmen e nje piruni dhe shtojme masen e perftuar me siper. Ne siperfaqe vendosim fetat e kungulleshkave dhe e fusim ne furre 180grade per rreth 35 minuta.

*Keshille: Kjo torte e kripur mund te konsumohet si e ngrohte, e ftohte apo e vaket. Mund te pregatitet edhe nje dite perpara festes, por ne kete rast duhet patur kujdes qe vetem pasi te ftohet plotesisht te futet ne frigorifer. Gjithashtu fetat e kungulleshkave te perdorura per zbukurim mund ti vini edhe te gjalla (si ne foto).

Komentet

komente