Supe me perime verore
Supa me perime eshte nje zgjidhje ideale per ditet e nxehta te veres, pasi mund te konsumohet si ne temperature ambjenti ashtu dhe e ftohte. Mund te shtoni te gjitha llojet e perimeve qe deshironi apo qe ju gjenden ne frigorifer; ne kete menyre do te merrni te gjitha vitaminat dhe kriperat minerale qe trupi juaj ka humbur gjate dites!
Perberesit per 4 persona
- 200gr makarona per supe
- 2-3 patate
- 2-3 kungulleshka
- 2 qepe te kuqe (ose te verdha)
- 3-4 karrota
- 3 domate mesatare
- 3 dege selino
- 200gr bishtaja
- 2 thelpi hudher
- 2 kubik koncentrate perimesh
- 4 luge djath kackavall te grire (fakultativ)
- disa gjethe borzilok
- vaj ulliri
- kripe
- piper
Lajme mire dhe qerojme te gjitha perimet (pervec kungulleshkave) duke i prere ne kubik jo shume te vegjel, por me forme te rregullt, ndersa qepen dhe hudhren i presim holle ose i kalojme ne mikser.
Ne nje tenxhere te thelle kaverdisim ne vaj ulliri ne zjarr mesatar qepen, hudhren dhe selinon per disa minuta. Shtojme me pas te gjitha perimet e tjera, i mbulojme me uje te ftohte, therrmojme ne te kubiket e koncentrates se perimeve dhe i leme te ziejne per rreth 30-40 minuta derisa te zbuten (koha e zierjes varet nga madhesia e copave te perimeve), por jo te shperbehen plotesisht. Shtojme se fundi edhe makaronat per supe dhe i leme te ziejne per kohen e treguar ne konfeksion.
E heqim supen nga zjarri, e rregullojme me pak kripe dhe piper nese eshte e nevojshme dhe e sherbejme neper pjata duke e sperkatur sipas deshires me pak djath kackavall ne siperfaqe dhe duke e zbukuruar me ndonje gjethe borzilok.
*Keshille: Nje menyre tjeter per te shijuar supen me perime do te ishte te kalonim gjysmen e perimeve ne mikser duke formuar nje “krem perimesh” te cilen me pas ia shtojme supes./tryeza.org
Komentet
