Mus me cokollate te zeze

Mus (mousse) me cokollateeshte nje embelsire e cila konsumohet me luge dhe veshtire t’i rezistosh. Te tilla egzistojne edhe te kripura psh ato me ton, me proshute, me gorgonxola, me karkaleca etj. Fjala “mousse” vjen nga frengjishtja e cila do te thote “shkume” ndersa ne boten e gastronomise perkthehet “krem”. Ajo mund te perdoret fare mire ne te gjitha stinet e vitit, per te permbyllur nje dreke te shijshme apo thjesht per ta shijuar si zemer ne mesdite mbase me disa biskota te vogla.

Perberesit per4 persona

• 250gr cokollate te zeze
• 200gr pana
• 5 luge uje
• 2 luge te vogla gjalp
• 4 veze
• 1 luge sheqer
• 1 bustine vanilje

Vendosim cokollaten e zeze te shkrihet ne banjomari. Rrahim shume fort sheqerin me te verdhat e vezeve derisa te perftojme nje krem me ngjyre pothuajse te bardhe.

Kur cokollata te jete shkrire, shtojme gjalpin dhe ujin, e perziejme fort te gjithen derisa te rezultoje homogjene. E heqim nga zjarri dhe shtojme pak nga pak kremin me veze dhe sheqer (ne kete menyre vezet “gatuhen” nen nxehtesine e cokollates). E leme te ftohet te gjithen ne temperature ambjenti.

Nderkohe qe cokollata ftohet, rrahim te bardhat e vezeve me vaniljen derisa te formohet nje krem qe te mos bjeri nga tasi dhe te njejten gje bejme me panen. Perziejme shume mire cokollaten e shkrire me panen dhe te bardhat e vezeve. E hedhim kremin neper gota apo kupa duke e dekoruar me copeza cokollate (ose me pak pana) dhe e vendosim ne frigorifere per minimumi 1 ore.

*Keshille: Nqs iu pelqen cokollata e bardhe, mund te ndiqni identikisht te njejten procedure si me siper.

Komentet

komente