Hajvar me speca , patëllxhanë e karota
Përbërsit :
- 16 kg speca të kuq
- 3 kg patëlxhanë
- 3 kg karota
- 8 – 9 dcl vaj , kripë
Përgaditja :
Lahen specat , priten përgjysmë pastrohen nga farat , përvëlohen me ujë val dhe kullohen . Patëllxhanët lahen , qërohen , priten në disa pjesë dhe vlohen pak në ujë të njelmët . Gjithashtu edhe karotat pastrohen , priten në copa dhe zihen pak në ujë të njelmët. Pasi të kullohen mirë perimet bluhen në makinë mishi . Në tenxhere ku do të zihet hajvari , nxehet ½ liter vaj , në të hidhet masa e perimeve të bluara . Hajvari zihet 2 orë duke e përzier kohë pas kohe . Pas 2 orësh shtohen edhe 3 – 4 dcl vaj , kripë sipas shijes vazhdon zierja edhe 20 – 30 minuta .
Kavanozat e larë sterilizohen në furrë dhe mbushen me hajvar të nxehtë . Mbyllen me celofan të dyfishuar , mbulohen me plaf dhe pas 24 orësh , vendosen në vend të freskët .
Komentet
